قووووه ياجماعة الخير
شلوونكم ؟
جايب لكم موضوع بطل :من قدي: وفيه بعض الحوسات والتضبيطات مني :121:
شوفو الفرق بين الشباب و البنات
مثلا ..
1- اذا صارت طلعه ( مطعم مثلا )
البنات : ساره ينادونها ساره . و ياسمين ينادونها ياسمين . و مريم ينادونها مريم
الشباب : محمد ينادونه حمود ابو فشقه .. جاسم ينادونه الجيكر .. عبدالله ينادونه ياابوو كرش
2- اذا وصل الحساب
الشباب : كل واحد من الثلاثه يقط 100 ريال حتى لو كانت الفاتوره 250 ريال .. بدون ما يهتم احد فيهم بالباقي
البنات : اول ما توصل الفاتوره كل وحده تطلع تلفونها و تستخدم الاله الحاسبه
3- في المحلات
الشباب : يدفع دينارين حق شي سعره دينار .. لأنه يحتاجه
البنات : تدفع دينار على شي سعره دينارين ( تكاسره ) .. و للأسف هالشي ما تحتاجه
4- في الحمام
الشباب : دايما الشباب عندهم 5 اشياء ضروريه في الحمام , فرشة اسنان << وينشك باستعمالها يوميا هاع , معجون حلاقه , صابونه , موس حلاقه , و فوطه
البنات : الرقم الادنى لعدد الاغراض في حمام البنات ( طبقا لدراسه تمت على 40 بنت عاقله ) ,, هو 337 غرض .. و طبعا العلم الحديث للشباب للحين ما يعرف ربع هالاشياء
5- في الهواش
البنات : البنت دايما تكون لها الكلمه الاخيره في كل نجره بينها و بين زوجها
الشباب : اي شي يقوله الرجال بعد ( كلمة ) المره هو بدايه لنجره جديده
6- القطاوه
البنات : البنات يحبون القطاوه حييييييييييل زي ,, تارو يانبض :606:
الشباب : الشباب يقولون انهم يحبون القطاوه ... لكن لو ما كان في بنات نيهاهاهاي يتغير الموضوع و راح يفنقر القطاوه :
:
7- المستقبل
البنات : البنت توقف همها على مستقبلها لما تحصل لها على زوج
الشباب : الرجال يبدأ يفكر بمستقبله و همومه لما يلقى له زوجه
8- النجاح
الشباب : الشاب الناجح هو الي معاشه يسد طلبات المدام و يزيد شويه
البنت : الناجحه هي الي تقدر تلقى شاب ناجح مثل الي فوق
9- الزواج
البنت : البنت تتوقع ان زوجها راح يتغير بعد الزواج .. لكنه ما يتغير
الشباب : الرجاال يتزوج بنت و يتمنى انها ما تتغير .. لكنها تتغير تهئ تهئ تهووء
10- الكشخه
البنت : البنت راح تكشخ في حالات كثيره لو راحت الجمعيه " السوبر ماركت " لغير الناطقين اللهجه الكويتيه هاع .. لو تبي تتكلم بالتلفون , لو تبي تقرا كتاب .. حتى لو بتسوي رياضه بالممشى
الشباب : الشباب يكشخون حق العروس و العزايم << وانا واحد منهم هاع
11- وقت النوم
الشباب : الريال يقوم من النوم و شكله ما تغير مثل لما نام << يعني مزيوون هاع هوع هيع
البنات : يصير فيها حالات ثلاث : فساد ( للمكياج ) .. و تدهور ( للمزاج ) .. و اصفرار ( في الوجه ) << وترعيب اهل البيت هاع
حكمه للشباب المتزوجين ونصيحه مهمه جداً هاع : انسى كل اخطائك و خل زوجتك تفكر فيها .. لأنه ماله داعي شخصين يفكرون فكره وحده
ان شالله يكون عجبكم الموزوع
ملطووووووووووووووووووووووووووش